Munarmedia.kz 26.12.2025 /Астана/ 2025 жылы Қазақстанда Украинадағы соғысқа қатысу үшін Ресейдің әскери құрамаларына жалданған тұлғаларға қатысты 700-ден астам қылмыстық іс қозғалған. Бұл туралы «Медиазона» басылымы хабарлады.
Сонымен қатар, «Медиазона» мен BBC-дің Орыс қызметі жүргізген бірлескен есепке сәйкес, Украинамен соғыс барысында Қазақстанның шамамен 200 азаматы немесе тумасы қаза тапқан. Аталған деректер ашық дереккөздер мен расталған ақпараттарға сүйене отырып жинақталған.
Сарапшылардың пікірінше, бұл көрсеткіштер Қазақстан азаматтарының шетелдік қарулы қақтығыстарға тартылуының ауқымын көрсетеді және ұлттық қауіпсіздік пен құқықтық жауапкершілік мәселелерінің өзектілігін айқындай түседі. Ресми органдардың ұстанымына сәйкес, ел азаматтарының шет мемлекеттердің қарулы қақтығыстарына заңсыз қатысуы Қазақстан заңнамасына қайшы болып саналады.