Иран Президенті Масуд Пезешкиан Астанаға ресми сапармен келеді

Munarmedia.kz 09.12.2025 / Астана 10–11 желтоқсан күндері Астана қаласына Иран Ислам Республикасының Президенті Масуд Пезешкианның ресми сапары жоспарланған.

Сапар аясында жоғары деңгейдегі келіссөздер өтеді. Кездесулер барысында Қазақстан мен Иран арасындағы сауда-экономикалық, көлік-логистика, сондай-ақ мәдени-гуманитарлық салалардағы ынтымақтастықты одан әрі нығайту мәселелері талқыланбақ.