Президент Қасым-Жомарт Тоқаев бүгінгі Жолдауында Қазақстанның саяси жүйесінде тарихи бетбұрыс жасайтын бастама көтерді. Мемлекет басшысы *Парламентті бір палаталы ету, яғни Сенатты тарату жөнінде ұсыныс жасады. Оның айтуынша, бұл мәселе бойынша шешім халықтың тікелей қатысуымен қабылдануы тиіс, сондықтан **референдум 2027 жылы өтуі мүмкін*.
Тоқаев бұл реформаны ерте жариялауының себебін де түсіндірді:
«Әдетте саяси технология тұрғысынан мұндай шешімдер күтпеген жерден қабылданады. Бірақ ел тағдырына қатысты маңызды мәселені жасырын ұстауға болмайды. Мұндай ауқымды реформа ашық талқылануы тиіс», – деді Президент.
Бір жағынан, Сенат мемлекеттік билік жүйесіндегі тежемелік әрі тепе-теңдік тетіктерінің бірі ретінде қарастырылып келді.
Қоғам ішінде де осыған ұқсас көзқарас бар. Азаматтардың бір бөлігі Сенатты «артық бюрократиялық институт» деп санайды, ал енді бір бөлігі оны өңірлердің мүддесін қорғаушы орган ретінде сақтап қалуды дұрыс көреді.
Президент Тоқаевтың бұл бастамасы – Қазақстандағы саяси жүйенің трансформациясының жаңа кезеңі. Ол тек мемлекеттік басқару құрылымын жеңілдетіп қана қоймай, билік пен қоғам арасындағы сенімнің артуына, саяси процестердің ашықтығына жол ашуы мүмкін.
Енді алдағы екі жылда бұл тақырып қоғамдық пікірталастың басты өзегіне айналатыны анық.