Munarmedia.kz 07.12.2025 / Көкшетау / АҚШ Украинадағы соғыс ықтимал шешуші фазаға өтіп жатқан шақта Еуропаны сынға алды, деп жазады Bloomberg.
Басылымның мәліметінше, Дональд Трамп қол қойған Ұлттық қауіпсіздік стратегиясында Вашингтон Еуропаның қазіргі саяси бағыты мен ұстанымдары өзгермесе, құрлық "жойылу қаупіне ұшырауы мүмкін" деп мәлімдеген.
"Ресей мен Украина арасындағы соғыс шешуші кезеңге жақындаған тұста жарияланған бұл құжатта Еуропаның өз саясаты мен мәдениетін түбегейлі қайта қарамаған жағдайда үлкен қатерге тап болуы мүмкін екені айтылған", — деп жазады агенттік.
Материалда сондай-ақ Еуропалық одақ тарапынан алаңдаушылық күшейгені атап өтіледі. Өйткені АҚШ Мәскеумен бірлесіп әзірленген, Батыстың капитуляциясы ретінде қабылдануы мүмкін келісімге келуді көздеп отыр деген ақпарат тараған.