Ердоған егер Түркия парламенті 2027 жылдың екінші жартысында кезектен тыс сайлау өткізу туралы шешім қабылдаса, мемлекет басшысы қызметіне қайта үміткер бола алады. Бұл туралы бұған дейін Түркия президентінің аға кеңесшісі, Президент жанындағы Құқықтық саясат кеңесі төрағасының орынбасары Мехмет Учум мәлімдеген.
2017 жылы референдумның нәтижесінде Түркия президенттік республикаға айналды. Қазіргі Конституцияға сәйкес, мемлекет басшысы қатарынан екі мерзімнен артық қызмет ете алмайды.
2023 жылдың мамырында Ердоған екінші мерзімге бес жылға қайта сайланған болатын. Оппозициялық партиялар сайлауалды науқанда бұл шын мәнінде үшінші мерзім екенін алға тартты, себебі Ердоған 2014-2018 жылдары парламенттік республика кезінде президент қызметін атқарған еді (Tengrinews).