Бұл тапсырма Қашаған, Қарашығанақ және Теңіз кен орындарына қатысты өнімді бөлу туралы келісімшарттарға (СРП) байланысты. Бүгін, 28 қаңтарда өткен кеңейтілген отырыста президент Тоқаев үкіметке жер қойнауын пайдалануға қатысты келісімдерді қайта қарауды жүктеді.
Үкімет инвесторлармен келісімшарт мерзімін ұзарту жөніндегі келіссөздерді жеделдетуі тиіс.
**«Ірі кен орындары бойынша өнімді бөлу келісімдерінің жүзеге асырылуы Қазақстанды жаһандық нарықта сенімді энергия жеткізушіге айналдырды. Алайда, мұндай ауқымды инвестициялар ұзақ мерзімді жоспарлауды талап етеді.
Сондықтан үкімет СРП-келісімдерді ел үшін тиімді жаңа шарттар негізінде ұзарту бойынша келіссөздерді жандандыруы қажет»,** – деді Тоқаев.
Теңіз кен орнындағы «Теңізшевройл» компаниясымен жасалған өндіру келісімшарты 2033 жылы аяқталады, Қарашығанақ бойынша СРП – 2037 жылы, ал Қашағандағы келісім – 2041 жылға дейін жарамды.