Munarmedia.kz 12.12.2025 / Астана/ Өзбекстан медицинасы тарихында алғаш рет жеті айлық сәбиге бауыр трансплантациясы жасалды. Бірегей әрі жоғары технологиялы хирургиялық араласу отандық трансплантология саласы үшін маңызды кезең болды.
Ота кезінде қыз баланың анасы донор ретінде бауыр тінінің қажетті бөлігін берді. Мамандардың айтуынша, мұндай күрделі операциялар әлемнің санаулы ғана елдерінде бір жасқа дейінгі балаларға жасалады.
Бұл медициналық жетістік Өзбекстандағы педиатриялық трансплантологияның даму мүмкіндіктерін кеңейтіп, ауыр диагнозбен туған балаларға жаңа үміт сыйлауда.